الجمعة، 9 ديسمبر، 2011

خلني أدرس تفاصيلك ! ♥

مليت كتبي ومذكراتي
تعال ذاكرلي وحفظني
" يمكن بـ جيتك افهم وترسخ المعلومه"!

لا أخطيت ولا سهيت لا تعاتبني ، 
بوسني وأرجع حفظني 

عادي ! كيف تبيني أركز وأنت قدامي ؟  
ولا كررت الغلطه خذني لحضنك و ضمني 
ولا تهدني!!

أدري طلباتي صعبه . . 
وأدري انك لا بديتها كذا ما راح اذاكر

تدري !
تعال بلا دراسه بلا هم
خلني ادرس تفاصيلك
رموشك ، عيونك ، جفونك ، خدودك
يآلبيه يا شفاتك ..
مجننتني معذبتني

وإلا صدرك إليا غدا صدري عليه وشديتني بقوه
أحس الآه من قلبي تطلع
و لا صرت أنا و انت جسد واحد
وش تبيني أطلب أكثر !!

هذه الدراسه الصح ، اللي تفيدني
اللي تشبعني عاطفه وحنان ، وحب وجنان
مو كتاب أحط رأسي عليه .. وابكي
ولا يحس فيني حتى لو أشكي

ما غيرك يا روحي أبيه .. ولا غيرك افهم عليه
و
غيرك
افهم 
عليه ... ♥

- - - -

^ كتابه إرتجاليه .. ما كنت أبغا أنشرها لكن في ناس الله يهديهم أجبروني ههههههه !!